Sybaılas jemqorlyqqa qarsy qyzmet avtomobıl joldaryn salý salasyndaǵy jemqorlyq táýekelderine syrtqy taldaý júrgizýde. Ulytaý oblysy joldarynyń jalpy uzyndyǵy - 2711,7 km, oblys qurylǵannan beri joldardy jóndeýge 30 mlrd teńge jumsalǵan. Bul týraly Egemen.kz vedomstvonyń baspasóz qyzmetine silteme jasap habarlaıdy.
Belgili bolǵandaı, júrgizilip jatqan jumys sheńberinde eleýli jemqorlyq táýekelderi anyqtaldy.
«Ulytaý oblysy qurylǵannan beri ákimdikterdiń beıindi bólimderi men basqarmalary joldarǵa pasporttaý júrgizbegen. Joldardyń jaı-kúıin pasporttaýdyń jáne esepke alýdyń bolmaýy sapasyz josparlaý jáne jóndeý jumystaryn júrgizý qaýpin arttyrady, sondaı-aq jóndeýge jatatyn jol jamylǵysynyń aýdany boıynsha kóterilgen smetalardy bekitýdiń júıeli faktilerine yqpal etedi.
Bul kemshilikter merdigerler men tapsyrys berýshiler úshin tólqujattary bolmaǵan kezde tehnıkalyq qujattamamen aıla-sharǵy jasaýǵa qolaıly jaǵdaı týǵyzady.
JAO Sybaılas jemqorlyqqa qarsy qyzmetiniń usynysy boıynsha joldardy aspaptyq zertteý rásimin josparlaý boıynsha jumys júrgizýde, odan keıin pasporttaý júrgiziledi, «Sátbaev qalasynyń jolaýshylar kóligi jáne avtomobıl joldary bólimi» MM 2024-2025 jyldarǵa arnalǵan aspaptyq tekserý jáne pasporttaý júrgizý boıynsha memlekettik satyp alý sheńberinde shart jasasty», delingen vedomstvo habarlamasynda.
Pasporttaýdy qoldaný oryndalatyn jumystardyń sapasyn arttyrýǵa, kólemderdi, tehnıkalyq jaı-kúıdi jáne ınjenerlik jelilerdi durys anyqtaýǵa múmkindik beredi.