QR Joǵarǵy Sotynyń Tóraǵasy Aslambek Merǵalıev bastaǵan delegasııa Qytaıdyń Úrimshi qalasynda ótken «Qytaı – Ortalyq Azııa» Joǵarǵy Sot tóraǵalarynyń keńesine qatysty, dep habarlaıdy Egemen.kz vedomstvonyń baspasóz qyzmetine silteme jasap.
Is-shara transshekaralyq sot tóreliginiń ózekti máselelerin jáne qylmyspen kúresýdegi yntymaqtastyqty, sondaı-aq qorshaǵan orta resýrstaryn sot arqyly qorǵaýdy damytýdy talqylaý úshin Ortalyq Azııa men Qytaıdyń joǵary dárejeli sot ókilderin jınaǵan.
Sapar barysynda Qazaqstannyń delegasııasy quqyq qorǵaý, sot tóreligin sıfrlandyrý jáne halyqaralyq qylmystarmen kúres máselelerin talqylaǵan.
Kezdesý aıasynda QHR Joǵarǵy halyq sotynyń tóraǵasy Chjan Szıýnmen ekijaqty kelissózder júrgizilip, onyń barysynda sot salasyndaǵy yntymaqtastyqty nyǵaıtý perspektıvalary talqylanǵan.
Kezdesýdiń qorytyndysy boıynsha qatysýshy elderdiń sot salasyndaǵy áriptestikti odan ári damytý jónindegi nıetin bekitetin «Úrimshi málimdemesine» qol qoıyldy.