3 qazannan bastap Ulttyq bank ınternet-dúkeninde «SHAŃYRAǴYŃYZ SHATTYQQA TOLSYN» atty jańa monetalar aınalysqa shyǵarylady, dep habarlaıdy Egemen.kz.
Monetada terezeniń jaqtaýynda jatqan mysyqtyń sýreti beınelengen. Sondaı-aq shańyraqtyń, oıý men taǵanyń beınesin de baıqaýǵa bolady. Bul monetalar 925/1000 synamaly kúmisten jasalǵan, massasy – 31,1 gramm, dıametri – 38,61 mm, nomınaly – 1000 teńge. Tıynnyń taralymy – 2000 dana.
Shaǵarýshylardyń aıtýynsha, monetadaǵy sýret shańyraqtyń bereke-birligin bildiredi.
«Kolleksııalyq monetalar Qazaqstan Respýblıkasynyń búkil aýmaǵynda nomınaldy quny boıynsha tólemniń barlyq túrleri úshin, sondaı-aq bank shottaryna esepke alý úshin jáne elimizdiń barlyq bankterinde aýdarý, maıdalaý jáne aıyrbastaý úshin qabyldanýǵa mindetti», dep jazdy Ulttyq bank.
Monetalar Qazaqstannyń teńge saraıynda jasalady.