Qala ákimdiginiń «Astana jastary» JRO» KMM volonterleri dál 1 qazan-Halyqaralyq qarttar kúni, úsh túrli meken-jaı boıynsha elordalyq 3 zeınetkerge azyq-túlik sebetterin taratty, dep jazady Egemen.kz.
Sebetterdi taratýdy «Astana jastary» resýrstyq ortalyǵynyń 10 eriktisi júzege asyrdy. Aıta ketsek, eriktiler jalǵyzbasty qarttarǵa, ardagerlerge, tyl eńbekkerlerine, múgedektigi bar zeınetkerlerge júıeli túrde kómek kórsetip júredi. Atap aıtqanda, qarttardyń aýlalaryn tazalaıdy, úı sharýashylyǵyna kómektesedi, azyq-túlik jetkizip beredi.
Al mereke kúnderi eriktilerdiń qarttarǵa azyq-túlik sebetterin syılaýy dástúrge aınalǵan. Bir áleýmettik sebet – eń qajetti ári paıdaly ónimderge jáne turmystyq taýarlarǵa toly.
«Jastarymyz aǵa býynnan úlgi alady. Úlkenderdi dámdi syılyqtarmen qýantýdy nıet ettik. Osy tamasha kúni men ár zeınetkerdi shyn júrekten quttyqtaımyn», dedi «Astana jastary» JRO eriktisi Davıd Muhtaruly.
О́z kezeginde qarttar alǵystaryn aıtyp, batalaryn berdi.