Atyraý oblysynda 29 jastaǵy kelinshek ómirge úsh ul (úshem) ákeldi. Oblystyq perınataldyq ortalyqta dúnıege kelgen úshemniń salmaǵy úsh túrli – 2 kılo 249, 2 kılo 533, úshinshisi – 2 kılo 608 gramm.
Úshemniń ata-anasy Qurmanǵazy aýdanyndaǵy Safon aýylynda turady. Jas otbasy 2016 jyly otaý qurǵan. Buǵan deıin Murabek Qumarov pen Araı Erǵalıeva – bir ul men bir qyzdyń ata-anasy. Endi kópbalaly otbasyna aınaldy. «О́mirge úsh uldy aman-esen ákelgen kelinimizge rızamyz. Birden úsh sábıdi bosaný ońaı emes. Nemerelerin ájesi úıde kútip otyr. Sábılerge Nurıslam, Nurıman, Nurmuhambet esimin berdik. Perınataldyq ortalyq dárigerleriniń eńbegine tabys tileımiz», deıdi úshemniń atasy Salyq Ispergenov.
Oblystyq densaýlyq saqtaý basqarmasynyń basshysy Qaısar Abdalıevtiń aıtýynsha, jyl saıyn 170-ke jýyq egiz dúnıege keledi. Al bul úsh ul – bıylǵy ekinshi úshem.
Úshemniń anasy aýyldaǵy mektepte jumys isteıdi. Tarıh páninen sabaq beredi. Ákesi byltyr Qurmanǵazy aýdandyq polısııa bólimine jumysqa ornalasypty.
«О́mirge sábı ákelý – ár ananyń armany ári erekshe baqyty. Dárigerler sábılerimniń aman-esen dúnıege kelýine kóp qoldaý kórsetti», deıdi Araı Erǵalıeva.
Atyraý oblysy