Astanada daýys berý ýchaskeleri jumysyn bastady. Elorda turǵyndarynyń belsendiligi barlyq aýdandarda baıqalady, dep habarlaıdy Egemen.kz.
Astanada tańǵy saǵat 07:00-den bastap barlyǵy 460 daýys berý ýchaskesi jumys istep tur, onyń 352-si ashyq, 34-i jabyq, 74-i dıplomatııalyq ókildikter men elshilikterde ornalasqan.
Seýldegi№390 jáne Tokıodaǵy №393 referendým ýchaskeleri jergilikti ýaqytpen tańǵy saǵat 07:00-de birinshi bolyp jumysyn bastady. Qazaqstan azamaty Kamıla Maýtova Seýlde birinshi bolyp daýys bergenin habarlaǵan edik.
59 shet elde 74 daýys berý ýchaskesi jumys isteıdi.
Taıaý Shyǵystaǵy 228 Qazaqstan azamaty atom elektr stansııasyna qatysty referendýmda daýys bere almaıdy.
Eske salaıyq, 2024 jyldyń 2 qyrkúıeginde Qazaqstan Respýblıkasynyń Prezıdenti Qasym-Jomart Toqaev AES boıynsha referendým kúnin 2024 jylǵy 6 qazanǵa belgilep, ony ótkizý týraly Jarlyqqa qol qoıǵan edi.