Yntymaǵy men yrysy jarasqan Tekeli qalasynda turatyn san alýan ult ókilderi respýblıkalyq referendýmǵa belsendi qatysyp, «Bolashaq úshin daýys beremiz!» dep uran tastady, dep habarlaıdy Egemen.kz.
Qazaq, orys, nemis, tatar, ózbek, káris ultynyń ókilderi №452 daýys berý ýchaskesine ulttyq kıimderimen kelip, tatýlyq pen birliktiń, otanshyldyqtyń ónegeli úlgisin kórsetti.
«Qazaqstan – bizdiń Otanymyz! Elimizdegi jetistikterge, jańa bastamalarǵa ylǵı qýanyp, barynsha qoldap otyramyz. Dostyq, birlik, tatýlyq – baǵa jetpes baılyǵymyz. Sondyqtan da búgingideı asa mańyzdy tańdaý kezinde referendýmǵa ártúrli ult ókilderi bir kisideı qatysyp, yntymaǵymyzdy pash etsek, keıingi býynǵa úlgi kórsetsek dep keldik», dedi káris etnomádenı ortalyǵynyń múshesi Tatıana Kım.