Kaspıı teńiziniń otandyq sektoryndaǵy «Qashaǵan» ken ornynda vahtalyq aýysymmen 800-den astam munaıshy jumys isteıdi. Ken ornyna tikushaqpen referendým komıssııasy attanyp ketti.
Atyraý oblystyq aýmaqtyq referendým komıssııasynyń tóraǵasy Azamat Aımanakýmovtyń aıtýynsha, «Qashaǵandaǵy» munaıshylar jumys ornynda daýys beredi.
«Munaı-gaz salasyndaǵy kásiporyndarda vahtalyq aýysymmen jumys isteıtin jumysshylar bar. Máselen, «Teńiz» ken ornynda 6 adam tirkeldi. Atyraý oblysynyń aýdandary men elimizdiń ár óńirinen kelgen olardyń jumys ornynda daýys berýi úshin 7 referendým pýnkti uıymdastyryldy. «Embimunaıgaz» AQ munaıshylary da jumys ornynda daýys berip jatyr. Al Kaspıı teńizindegi «Qashaǵan» ken ornynda 800-den astam munaıshy jumys isteıdi. Olardyń referendýmnan tys qalmaı, daýys berýine múmkindik jasalyp otyr. Osy maqsatta «Qashaǵan» ken ornyna tikushaqpen referendým komıssııasy attanyp ketti. Munaıshylar jumys ornynda daýys beredi», dedi Azamat Aımanakýmov.