Atyraýda aýyldaǵy orta mekteptiń 11-synyp oqýshysy referendýmda alǵash ret daýys berýge keldi.
Zarına Orynbasar Atyraý qalasyna taıaý ornalasqan Erkinqala aýyldyq okrýgindegi Rakýsh aýylynda turady. Osyndaǵy M.О́temisov atyndaǵy jalpy orta bilim beretin mekteptiń 11-synybynda oqıdy.
«Búgin alǵash ret daýys berdim. Meniń bul qadamym referendýmmen sáıkes keldi. Saıası naýqanqa qatysyp, óz tańdaýymdy jasaý arqyly úlken jaýapkershilikti sezinip turmyn. Jeke kózqarasyma sáıkes sheshim qabyldap, daýys berý jáshigine bıýlletendi saldym», deıdi Zarına Orynbasar.
Ol ózi turatyn aýyldaǵy №27 saılaý ýchaskesiniń tiziminde 2212 adammen birge tirkelgen. Referendým komıssııasy alǵash ret daýys bergen mektep oqýshysyna arnaıy syılyq tabys etti.