Tótenshe jaǵdaılar mınıstrligi 6 qazanda Qaraǵandy oblysynda Qarqaraly aýdanyndaǵy dala órtin sóndirý barysynda qyzmettik mindetin atqarý kezinde №24 órt sóndirý bóliminiń aǵa órt sóndirýshi-qutqarýshysy qaza tapqanyn habarlady, dep jazady Egemen.kz.
1991 jyly týǵan serjant Halı Haırat azamattyq qorǵaý organdarynda 2014 jyldan bastap jumys istegen.
Mınıstrlik oqıǵanyń mán-jaıyn anyqtaý isi men sotqa deıingi tergeý bastalǵanyn málim etti. Vedomstvonyń Apattar medısınasy ortalyǵynyń psıhologtary qaıtys bolǵan qyzmetkerdiń týystaryna qajetti psıhologııalyq kómek kórsetip jatyr.
«Qazaqstan Respýblıkasy Tótenshe jaǵdaılar mınıstrligi órt sóndirýshiniń týystary men jaqyndaryna kóńil aıtady. TJM qaza tapqan órt sóndirýshiniń otbasyna jan-jaqty kómek pen qoldaý kórsetedi», delingen TJM habarlamasynda.