Bul týraly Týrızm jáne sport mınıstrliginiń baspasóz qyzmeti habarlady, dep jazady Egemen.kz.
Mánerlep syrǵanaý: Denis Ten Memorial Challenge (Astana) týrnırinde Mıhaıl Shaıdorov top jardy. Al áıelder básekesinde Sofıa Samodelkına ekinshi oryn aldy. Dzıýdo: Dýshanbede (Tájikstan) jastar arasyndaǵy álem chempıonatynda Azat Kúmisbaı (81 kg) jáne Talǵat Orynbasar (60 kg) qola júldeger atandy. Quzǵa órmeleý: Ulttyq qurama sportshysy Ámir Maımuratov Seýldegi (Ońtústik Koreıa) Álem kýboginde kúmis júldeger atandy. Trıatlon: Azııa kýboginde (Túrkistan) qazaq sportshylary 7 medal oljalady. Taekvondo: Chýnchhondaǵy (Ońtústik Koreıa) álem chempıonatynda Qazaqstannyń úsh sportshysy 2 kúmis, 1 qola medal enshiledi. Jeńil atletıka: Belfor (Fransııa) qalasynda ulttyq qurama ókili Deızı Djepkemeı jartylaı marafonda (1 saǵat 7 mınýt 54 sekýnd) jeńimpaz atandy. Kásipqoı boks: Orta salmaqta WBO jáne IBF tujyrymdary boıynsha álem chempıony Jánibek Álimhanuly (16-0, 11 KO) Aýstralııada jańazelandııalyq Andreı Mıhaılovıchpen judyryqtasyp, qarsylasyn 9-raýndta tehnıkalyq nokaýtpen jeńdi.