«Qazgıdromet» RMK 8, 9, 10 qazanǵa arnalǵan aýa raıy boljamyn jarııalady, dep jazady Egemen.kz.
Sınoptıkterdiń málimdeýinshe, apta basynda kún raıy jyly bolǵanmen, keıingi úsh kúnde aýa temperatýrasy ózgeredi.
Elimizdiń batysy men soltústik-batysynda antısıklon nátıjesinde jaýyn-shashyn bolýy yqtımal. Osy kúnderi respýblıkamyzdyń batysynda jel ekpini de kúsheıedi.
«Qazaqstannyń batysynda kúndiz aýa temperatýrasy 12-18 gradýsqa deıin tómendese, túnde soltústik-batysta jáne soltústikte 7-17 gradýsqa deıin tómendeıdi. О́zge aımaqtarda kún raıy kúrt ózgermeıdi», delingen «Qazgıdromet» habarlamasynda.