Qorǵanys mınıstrligi 2025 jyly 900-den astam zapastaǵy ofıser áskerı qyzmetke shaqyrylatynyn habarlady. «Zapastaǵy ofıserlerdi áskerı qyzmetke shaqyrý týraly» qaýly jobasy «Ashyq NQA» portalynda jarııalandy, dep jazady Egemen.kz.
Úkimet qaýlysynyń jobasyna sáıkes, 2025 jyly 915 zapastaǵy ofıser áskerı qyzmetke shaqyrylady. Áskerı qyzmetke shaqyrylǵan azamattar 24 aı boıy Qarýly kúshterde, UQK Shekara qyzmetinde, IIM Ulttyq ulanynda jáne Tótenshe jaǵdaılar mınıstrliginde ofıserlik quram laýazymdarynda qyzmet atqarady.
Zapastaǵy ofıserlerdi shaqyrý áskerı daıyndalǵan rezervti jınaqtaý jáne ofıserler quramynyń bos laýazymdaryn tolyqtyrý maqsatynda júzege asyrylady.