Soltústik Qazaqstan oblysynda kún kúrt sýytyp, túnde jaýǵan qardyń sońy burqasynǵa ulasqan. Sınoptıkter bul aýa raıynyń bir-eki kúnge jalǵasatynyn atap ótti, dep habarlaıdy Egemen.kz.
Aıta keteıik, «Qazgıdromet» RMK SQO fılıaly 9 qazannan beri qar, boran, kóktaıǵaq jaıly eskertip jatyr. Qazirgi ýaqytta oblys batys sıklonynyń yqpalynda. Mundaı qolaısyz aýa raıy erteń de saqtalady dep habarlandy.
Boljam boıynsha búgin óńirdiń batys, soltústik jáne shyǵysynda jańbyr, qar jaýady. Soltústik shyǵystan soqqan jeldiń ekpini 15-20 m/s, keıde 23-28 m/s deıin jetpek. Al oblystyń soltústigi men shyǵysynda daýyl turyp, ekpini 30 m/s jetedi.
Túnde aýa temperatýrasy -5 gradýsqa deıin tómendese, kúndiz +2-3 aralyǵynda bolmaq.
Erteń 12 qazanda da oblystyń soltústigi, shyǵysy men ońtústiginde qar jaýyp, boran saqtalady. Kóktaıǵaq bolmaq. Túnde aýa temperatýrasy -2,-7 gradýs aralyǵynda, kúndiz -5 gradýsqa deıin sýytady.
Bir túnde jaýǵan jaýyn-shashyn mólsheri 3,2 mm deıin jetken. M.Jumabaev aýdanynyń Vozvyshenka, Esil aýdanynyń Iаvlenka meteorologııalyq stansasynda muzdy jaýyn jaýǵan. Jalpy, qazan aıyndaǵy jaýyn-shashynnyń ortasha normasy – 22-40 mm.