Aqyn murasyn ulyqtaǵan baıqaý

Sonyń bir dálelindeı, Atyraýda «O, Týǵan jer, keńpeıil, qushaǵyń keń, Saǵan kóńil bulqynar kúsh-aǵynmen. Saǵynyshymdy qanat qyp saǵan qaraı, Balapandaı talpynyp ushamyn men» dep altyn besigin erekshe ańsarmen jyrlaǵan Halyq jazýshysy, Memlekettik syılyqtyń laý­reaty Farıza Ońǵarsynovanyń shy­ǵarmashylyǵyna arnalǵan oqýshylar baıqaýy ótti. «Farıza oqýlary» baıqaýy 2020 jyldan beri turaqty ótkizilip ke­ledi. Tórt jylda bul baıqaýǵa 200-den astam jas óren qatysypty. Al bıyl oblystyq bilim basqarmasynyń talanttardy anyqtaý jáne qoldaý ortalyǵy uıymdastyrǵan saıysta 8-11 synypta oqıtyn 50-ge jýyq oqýshy baq synady.

Aqyn shyǵarmashylyǵyn nasıhat­ta­ǵan baıqaýǵa «Kaspıı Qubyr Konsor­sıý­my-Q» AQ demeýshilik tanytty. Kon­­sor­sıýmnyń qubyr júıesi – TMD aýma­ǵyndaǵy energetıka salasynda iske asyrylyp jatqan iri jobanyń biri. Kompanııa «Teńiz» kenishinen óndiril­gen munaıdy Qara teńiz jaǵalaýyn­da­ǵy Novorossıısk aılaǵyna deıin tasymaldaıtyn qubyrǵa ıelik etedi. El men eldiń arasyn jalǵaǵan qubyrdyń uzyndyǵy 1 511 shaqyrymdy quraı­dy. Bul baǵytpen elimizdiń eksport­qa shyǵarylatyn munaıynyń úshten ekisinen astamy, sondaı-aq reseılik, sonyń ishinde Kaspııdegi ken oryndarynan alynatyn kómirsýtekti shıkizat tasymaldanady. Konsorsıýmnyń teńiz termınalyndaǵy úsh aılaq tankerlerge jaǵadan aıtarlyqtaı alshaqta munaı tıeýge múmkindik beredi.

«Kompanııa medısına, mádenıet jáne bilim salasyn, sondaı-aq Atyraý oblysyndaǵy ınfraqurylym­dy da­mytýǵa baǵyttalǵan qaıyrymdy­lyq qyz­meti aıasynda qoldaý kórsetýin jal­ǵastyryp keledi. Aldaǵy ýaqytta da bız­nestiń áleýmettik jaýapkershi­ligi aıasynda qoǵamǵa mańyzdy jobalar­ǵa qoldaý kórsete beredi. «Farıza oqý­la­ry» oblystyq baıqaýyn Atyraý oblysy­nyń mádenı ómirindegi aıtýly oqıǵa dep esep­teımin. О́ıtkeni qazaqtyń ár perzenti Farıza aqynnyń poezııasymen qanat­tanady. Rýhanı nár alyp, anany qadirleýdiń, týǵan jerdi qasterleı bilýdiń ulaǵatyn uǵynady. Sondyq­tan baıqaýǵa qatysqan oqýshylardyń eldiń mádenı murasyn saqtaýǵa, odan ári damytýǵa qyzyǵýshylyǵy artady. Jas býyn rýhanı qundylyqty boıyna sińiredi. Shyǵarmashylyqqa yntasy artady», dedi kompanııa bas dırektorynyń Úkimetpen baılanys jónindegi orynbasary Qaıyrgeldi Qabyldın.

Talanttardy anyqtaý jáne qoldaý ortalyǵy dırektorynyń mindetin at­qarýshy Janar Sársenǵalıevanyń ­aıtýynsha, baıqaýdyń maqsaty – óske­leń urpaqtyń shyǵarmashylyq qabi­le­tin damytý, jas býyndy patrıotızmge, qazaq eliniń mádenı dástúrin qurmetteýge tárbıeleý. Sol sebepten «Farıza oqýlary» oblystyq baıqaýy úsh baǵytty qamtydy. Baıqaýda baq syna­ǵan oqýshylar «Jyrym qalsyn janym­nyń ushqynyndaı» baǵytynda Farıza Ońǵarsynovanyń óleńderin máner­lep jatqa oqydy. Al «О́leń, men seni aıalap ótem...» kezeńinde aqynnyń sózine jazylǵan ánderdi oryndady. Talantty oqýshylardyń bir toby «Farıza shyǵar­malarynan ıllıýstrasııalyq sýretter salý» baǵytymen aqynnyń týyndylaryn arqaý etken sýretterin usyndy.

«Júırikten júırik ozar jarys­qan­da» degendeı, «Farıza oqýlary» baıqa­ýyn­da ónerli órender bir-birinen sýyry­lyp alǵa shyǵýǵa umtyldy. Eshqaı­sysy­­nyń qalys qalǵysy joq. Baıqaýdyń ­«Jy­­rym qalsyn janymnyń ushqynyndaı» ba­­ǵy­tynda aqyn shyǵarmalaryn naqy­shy­na keltire, ári jatqa oqyǵan Inder aýda­­nyndaǵy Mahambet atyndaǵy orta mek­teptiń 10-synyp oqýshysy Aqnur­ Maǵzom, Q.Sátbaev atyndaǵy mek­­tep­tiń 11-synybynda oqıtyn Sábına Erkinǵalıeva, J.Modaǵalıev atyn­­­daǵy mamandandyrylǵan mektep-lıseı-ınternatynyń 9-synyp oqý­shysy Gúlnaz Aıapbergen úshinshi júldege ıe boldy.

Al ekinshi oryn «Zııatker» maman­dan­dyryl­ǵan mektep-lıseı-ınternaty­­nyń 9-synyp oqýshysy Nursezim Ádil­qas­qa, H.Dosmuhameov atyndaǵy Aty­raý ýnı­versıtetiniń janynan daryndy balalarǵa arnalyp ashylǵan «Ustaz» mektep-ınternatynyń 10-synyp oqý­shysy Mansur Muratbaıǵa berildi. Birinshi júl­dege Jylyoı aýdanyndaǵy №17 orta mekteptiń 11-synyp oqýshysy Jangúlim Áken laıyq dep tanyldy.

«О́leń, men seni aıalap ótem...» baǵy­tynda aqyn óleńderine jazylǵan án­der­di júrekke jetkize oryndaǵan oqý­shylar az bolmady. Degenmen, úshin­­shi júldeni Nurǵısa Tilendıev atyn­daǵy ­ma­mandandyrylǵan mek­tep-lıseı-ın­ter­­natynyń 8, 9-synybynda oqıtyn Aqbota Erik­qyzy, Aıaýlym Nurymova, Sábına Baýyr­janova, Móldir Samı­ǵollaeva, Isataı aýdanyndaǵy Aqqystaý orta mektebiniń 9-synyp oqý­shysy Jan­erke Kenjemuratova, Atyraý qalasynda ornalasqan №34 mektep-gım­nazııasynyń 9-synyp oqý­shysy Abylaı Nursultan ıelendi.

Bul atalymdaǵy ekinshi orynnyń bi­ri­ne Qurmanǵazy aýdanynan qatys­qan Mılana Saıasat ıe boldy. Jas óren qazaq­tyń aıaýly aqyny Farıza Ońǵarsynova­nyń esimi berilgen orta mekteptiń 10-synybynda oqyp júr. Onymen birge ­Jy­ly­­oı aýdanynyń ortalyǵy – Qul­sary qalasyndaǵy S.Qara­balın atyndaǵy ­­№15 mektep­tiń 10-synyp oqýshysy Aısana Qýanǵa da dál osyn­daı júlde berildi.

Án oryndaýshylar tobyndaǵy bi­rin­shi júldeni Maqat aýdanyndaǵy H.Sanbaev atyndaǵy orta mekteptiń 10-synyp oqýshysy Symbat Mańǵystaý ıelendi. Jas ónerpazdyń ásem daýsy bar eken.

Baıqaýdyń úshinshi baǵyty – Farıza aqyn­nyń shyǵarmalarynan ıllıýstra­sııalyq sýretter salý. Ras, sýret salý ońaı emes. Alaıda qylqalamdy serik etý­ge talpynǵan oqýshylardyń sýretteri­nen syrly boıaýdyń syryna boıla­ǵy­sy kelgeni ańǵaryldy. Qazylar ortaq sheshimmen «Sarmat» mamandandyryl­ǵan mektep-lıseı-ınternatynyń 10-sy­nyp oqýshysy Mádı Maratulynyń, Nur­ǵısa Tilendıev atyndaǵy mamandandy­ryl­ǵan mektep-gımnazııa-ınternaty­nyń 9-synyp oqýshysy Nurbıbi Oraz­dyń, №3 «Bilim-ınnovasııa» lıseı-ınter­na­tynyń 11-synyp oqýshysy Dılıara Muratovanyń, J.Moldaǵalıev atyn­daǵy mamandandyrylǵan  mektep lıseı-ınternatynyń 10-synyp oqýshysy Alıze Izbergenniń týyndylaryn úshinshi júldege laıyq dep tapty.

Aqynnyń shyǵarmalaryn óziniń sýretine arqaý etken J.Qarajigitov atyndaǵy №16 mektep-lıseıiniń 8-synyp oqýshysy Mılana Serik ekinshi júl­deni ıelendi. Al Halıda Ońdasyn balǵyn sýret­shiler arasyndaǵy birin­shi júldeniń ıegeri atandy. Ol Inder aýda­nyndaǵy Q.Abahanov atyndaǵy orta mekteptiń 10-synybynda oqıdy.

«Úsh jyldan beri sýretshiler úıir­mesine qatysyp júrmin. Meni sýret sa­lýǵa jetekshim Janar Muhametja­no­va úıretedi. Búǵan deıin eki respýblı­ka­lyq sýretshiler baıqaýyna qaty­syp, ekeýinde de úshinshi oryn alǵan edim. Al bul baıqaýǵa qatysý maqsatynda Farıza Ońǵarsynovanyń óleńderin qaıta-qaıta oqydym. О́ıtkeni sýretti aqyn­­nyń shyǵarmashylyǵymen baılanys­tyrý qajet boldy. Baıqaýdyń birin­shi júldesin alǵanyma qýanyp turmyn», deıdi Halıda Ońdasyn.

Aqyn shyǵarmashylyǵyna arnal­ǵan baı­qaýǵa qatysqan jaýqazyn jetkin­shek­­ter jalyndap turǵanyn baıqa­dyq. О́ıtkeni aqynnyń júrekte ǵana jattalatyn, meıirińdi qandyratyn káýsar jyrlary jas býynǵa jalyn bergeni daýsyz.

Atyraý oblysy