Astanada aýa raıy kúrt sýyp, qar jaýyp jatyr. Bul áýejaıdaǵy reısterge de áser etti, dep habarlaıdy Egemen.kz.
Astana áýejaıynyń baspasóz qyzmeti habarlaǵandaı, qazir 8 reıs keıinge shegerilgen. Onyń úsheýi ushyp ketetin, beseýi ushyp keletin reıs.
Onlaın tablodaǵy málimetke zer salsaq, Qazaq Air IQ 438 ushaǵy Petropavldan keshigip jatyr, ol Astanaǵa 15:20-da qonýy kerek edi, endi 15:45-te jetedi. Aqtóbeden ushatyn ushaq bir saǵattan keıin keledi (17:55-te emes, 18:55-te). Bul reısti Qazaq Air kompanııasy oryndaıdy.
Almatydan DV 5351 reısi (SCAT) úsh saǵatqa keshigedi.
Ushyp ketetin úsh reıs te: Novosibirge (IQ 511, Qazaq Air áýe kompanııasy), Qytaıdyń Sanıa qalasyna (DV 475, Scat áýe kompanııasy), sondaı-aq Almatyǵa (IQ 359, Qazaq Air áýe kompanııasy) keıinge qaldyryldy.
Baspasóz qyzmeti Astana halyqaralyq áýejaıy tómengi temperatýra kezinde úzilissiz jumys isteýi úshin barlyq qajetti sharany qabyldap jatqanyn habarlady.