Jańaózen qalasynyń prokýratýrasy ekologııa zańnamasynyń saqtalýyna taldaý júrgizý aıasynda «SAAT Group» JShS-men munaı qubyrlaryn tazartýǵa qoldanylǵan suıyqtyqtyń topyraqqa tógilý faktisin anyqtaǵan, dep habarlaıdy Egemen.kz.
Mańǵystaý oblysynyń prokýratýrasynyń habarlaýynsha, zerthanalyq zertteý nátıjeleri boıynsha alynǵan topyraqtyń eksperımenttik synamalarynda munaı ónimderiniń izderi tabylǵan.
Qala prokýratýrasynyń aktisimen atalǵan mekeme Qazaqstan Respýblıkasy Ákimshilik quqyq buzýshylyq týraly kodeksiniń 328-baby 4-bóligi, 332-baby 1-bóligi jáne 337-baby 4-bóligi boıynsha ákimshilik jaýaptylyqqa tartylyp, 4 mln teńge kóleminde aıyppul tóleýge mindetteldi.