Qala ákiminiń orynbasary Jandos Dúısenǵalıev oblys ortalyǵynda 1215 kópqabatty úı bolsa, onyń 1048-ine sońǵy eki kúnde jylý berilgenin málim etti, dep habarlaıdy Egemen.kz.
«Qalǵan 167 kóp qabatty úıdiń qubyryna da jylý kelip tur. Bul úılerde PIK nemese basqarý nysanyn retteý, ishki jylytý júıelerin jýyp-shaıý jumystary júrgiziledi. Bul jumystardy sársenbi kúni aıaqtaý kózdelip otyr. Sonda barlyq úı jylýǵa qosylady. Jylý qubyrlarynda qandaı da bir másele týyndasa, «Jaıyqjylýqýat» AQ-nyń kezekshi brıgadalary qarap, jóndep beredi», dedi qala ákiminiń orynbasary Jandos Dúısenǵalıev.
Aıta keteıik, ótken aptada mektep, balabaqsha, aýrýhana syndy áleýmettik mekemelerge jylý berilgen edi.