«Samuryq-Qazyna» biryńǵaı qaıyrymdylyq operatory «Samruk-Kazyna Trust» KQ arqyly bıylǵy 9 aıda kómek alǵan bala sany osyndaı bolyp otyr.
«Baqytty balalyq shaqty qamtamasyz etý – bizdiń, eresekterdiń basty mindeti. Osy oraıda, mine, birneshe jyl boıy qorymyz balalardyń senimdi serigine aınalǵanyn aıtqym keledi. Ásirese erekshe balalarǵa qoǵamda teń múmkindik jasaý qajet», deıdi «Samruk-Kazyna Trust» KQ bas dırektory Alfııa Adıeva.
Máselen, qor osy jyly Balalardy qorǵaý kúni «Samruk Charity Marathon» qaıyrymdylyq marafonynda kraýdfandıng tásilin qoldaný arqyly 1000-ǵa tarta azamat pen 30-dan astam kompanııadan 126,7 mln teńge jınaı aldy. Nátıjesinde, jańa oqý jyly elordanyń 5 birdeı mektebinde ınklıýzııany qoldaý kabınetteri ashylyp, 150-den astam erekshe bala qatarlastarymen birge mektepte oqyp jatyr. Qor basshylyǵy qoǵam men bıznes ókilderin aldaǵy ýaqytta da osyndaı bastamalarǵa belsendi ún qosýǵa shaqyrady.
Budan bólek, qor qoldaýymen, «Salamatty Qazaqstan» medısınalyq poıyzynyń jumysy aıasynda óńirlerde 14 myńnan astam jetkinshekke joǵary bilikti dárigerler tegin ári sapaly qyzmet kórsetse, sany 40-tan asqan ońaltý ortalyǵy da múgedektigi bar balalar men olardyń ata-analaryna turaqty qolushyn sozyp keledi. Jaz boıy tanymdyq, saıahat lagerleri jumys istep, óskeleń urpaqqa qajet bilim, medısına, buqaralyq sport, mádenıet salasyndaǵy ózge de jobalar jalǵasyn taýyp otyr.