Túrkistan oblysynyń Keles aýdanyna qarasty №28 «Maqtashy» jalpy bilim beretin mektebinen 1933 jyldan beri 50 dáriger shyqqan, dep habarlaıdy Egemen.kz.
Bul týraly oblys ákimdiginiń baspasóz qyzmetinen málim boldy.
50 dárigerdiń qatarynda jańa týǵan nárestelerge ota jasaıtyn Qazaqstandaǵy sanaýly kardıohırýrgtyń biri - Berkin Týrkýlov, «Saryaǵash» shıpajaılardyń biriniń bas dárigeri - Mustafa Býrabaev, bilikti ÝDZ dárigeri - Artyqbek Kerimberdıev, Jezqazǵan qalalyq aýrýhanasynda isteıtin onestezıolog-reanımatolog - Iles Nurǵazy, otorınolarıngolog - Erǵalı Asanov sııaqty taǵy basqa bilikti dárigerler elimizdiń túkpir-túkpirinde medısına salasynda qyzmet etip júr. Olardyń barlyǵy atalǵan mektepti támamdaǵan.
Dırektor orynbasarynyń aıtýynsha, basqa da salalardaǵy túlekterimen maqtanatyn osynaý mektepte medısına salasyn tańdaǵan oqýshylar kóp.
Aıta ketsek, qazirgi ýaqytta 78 muǵalim sabaq beretin atalǵan bilim ordasynda 600-den astam bala oqıdy.