Egindikóldegi júıeli jumys

Jalpy uzyndyǵy 68,7 sha­qyrym jeliniń tozǵan tusta­ryn almastyryp, jańartý ju­mys­tary tolyq aıaqtalyp, sý beri­le bastady. Sóz arasynda 337 sha­qyrymdyq sý qubyry Egindikól men Qorǵaljyn aýdandarynyń 14 myńnan astam turǵynyn aýyzsýmen qamtamasyz etedi. Tozyǵy jetken qubyrdyń jaıy birneshe jyldan beri aýyl turǵyndary úshin ótkir máselege aınalyp kelgen edi.

– Bul máseleni Memleket bas­shysy erekshe baqylaýǵa al­dy. Jańartý jumystary bastal­ǵanǵa deıin magıstraldy sý qu­byrynyń 90 paıyzdan astamy apatty jaǵdaıda boldy, – dep atap ótti oblys ákimi Marat Ah­metjanov, – apattyń jıi oryn alýy halyqqa aıtarlyqtaı qo­laı­syzdyq týǵyzdy. Mańyzdy máseleni sheshý maqsatynda Sý resýrstary jáne ırrıgasııa mınıstrligi 2022 jyly Nura sý qubyryn jańartý, qajetti jobalyq-smetalyq qujattama ázirleýdi bastaǵan edi. Aýqymdy shara sátimen aıaqtalyp, halyq sýdan tapshylyq kórmeıtin boldy.

Jańartý jumystary maman­dandyrylǵan merdiger uıymdar­dy tarta otyryp, kezeń-kezeńmen júrgizildi. Qorǵaljyn aýdanyna qarasty Sabyndy aýylynyń bas qurylystarynan Egindikól aýylyna deıingi magıstraldy jelilerdiń ábden tozyǵy jetken bóligindegi jumysty sátti aıaqtaǵan «Bertys Construction» seriktestiginiń tııanaqty jumysyn ataı ketken jón. Merdiger 68,7 shaqyrym sý qubyryn salyp, onyń boıyna 78 qudyq ornatty. Jańa jeliler Qarǵaly, Jan­teke, Qumkól, Toǵanas eldi me­ken­­deri turǵyndarynyń sýǵa de­gen suranysyn óteıdi. Jeli boıyn­­daǵy keıbir qubyrlardy jýý, tazartý jumystary tolyq aıaqtaldy.

– Halyqtyń ótinishine qulaq asqan basshylarǵa myń alǵys. Osy bir janashyr qadam el ishi­ne jaqsylyq lebi bolyp tarady, – deıdi Egindikól aýylynyń turǵyny Begindik Ábilov, – endi aýyl turǵyndary ózge óńirge jaı­ly jer izdep, qonys aýdarýyn toq­tatatyn shyǵar.

Bıyl Úkimet rezervinen Egin­di­­­kól, Qorǵaljyn aýdan­darynyń sý qabyldaǵysh quryl­ǵylaryn jańǵyrtýǵa qosym­sha qarajat bólindi. Jańa sý qubyry eki aýdan turǵyndarynyń taza aýyzsýǵa úzdiksiz qol jetkizýin qamtamasyz etpek.

Aqmola oblysy