15 qazan kúni Shahtınsk qalasynda «Qarmet» qyzmetkerleri men jergilikti turǵyndardy bopsalaǵan qylmystyq top qolǵa tústi, dep jazady Egemen.kz.
IIM málimetinshe, ustalǵandardyń basym bóligi jastar bolyp shyqqan. Sondaı-aq qylmystyq top quramynda aralas jekpe-jek jattyqtyrýshysy da bar ekeni anyqtaldy.
Buǵan deıin Temirtaý, Saran, Abaı qalalarynda aýyr qylmystarǵa, sonymen qatar «Qarmet» AQ obektilerinen taýarlyq-materıaldyq zattardy urlaýǵa jáne kásiporyn qyzmetkerlerin bopsalaýǵa qatysy bar basqa da qylmystyq toptardyń qatysýshylary ustalǵan bolatyn.
Osy faktiler boıynsha ishki ister organdaryna 100-den astam kúdikti jetkizilip olardyń 39-y qamaýǵa alynǵan. 150-ge jýyq tintý sharalary júrgizilgen. Qarý-jaraq pen oq-dáriler, sondaı-aq basqa da zattaı dáleldemeler tárkilengen.
«Aýyr qylmystardyń 16 epızody boıynsha úsh qylmystyq is sotqa jiberildi. Krımınaldyq toptardyń jolyn kesý nátıjesinde óńirde 30-dan astam atys jáne travmatıkalyq qarý, oq-dáriler tárkilendi. О́ńirlerde quqyqtyq tártipti qamtamasyz etý boıynsha jumys jalǵasyp jatyr», dedi IIM uıymdasqan qylmysqa qarsy kúres departamenti ókili Qýandyq Alpys.