Saýd Arabııa Koroldiginiń Qajylyq jáne umra mınıstrligi 2025 jylǵy qajylyq maýsymy úshin Qazaqstanǵa 10 myń qajylyq ornyn usyndy, dep habarlaıdy Egemen.kz.
QMDB baspasóz qyzmeti taratqan málimetke sáıkes, qazaqstandyqtardyń qajylyq saparyn arnaıy baıqaýdan ótken 15 týrıstik kompanııa uıymdastyrady.
QMDB málimetinshe, týroperatorlar arasyndaǵy baıqaýǵa 21 kompanııa qujattaryn usynǵan. Alaıda, olardyń úsheýi lısenzııasynyń bolmaýy jáne durys emestigi úshin baıqaýǵa jiberilmese, taǵy úsheýiniń tájirıbesi áli 5 jylǵa tolmaǵany anyqtalǵan. Bul baıqaý talaptaryna qaıshy.
- Týroperatorlardan kelgen ótinishter men talap etilgen qujattar ortaǵa salynyp, árqaısysy muqııat qaraldy. Komıssııa músheleri joǵarydaǵy erejege súıene otyryp týroperatorlardy baldyq júıemen baǵalady. Konkýrstan ótip, Saýd Arabııa Koroldigi Qajylyq jáne umra mınıstrligine qarasty qajylyqtyń elektrondy júıesine resmı tirkeletin 15 týroperator jınaǵan qajylary men qarjylyq múmkinshiligine qaraı qajylyq oryndaryn alady, – delingen QMDB habarlamasynda.
2024 jyly Qazaqstannan 5081 adam musylmandyq paryzyn ótegen edi.