Bolat quıý óndirisin ashý týraly memorandýmǵa qol qoıyldy

Bıznes forým alańynda otandyq óndirýshiler ózderi shyǵaratyn transformator, kabel, hımııa, munaı óndirý ónimderiniń túrlerinen kórme uıymdastyrdy. QMG enshiles ká­siporyndarynyń ókilderi óndiriste paıdalanylatyn ımporttyq jabdyqtar men taýarlardyń otandyq ónimmen tolyǵymen ne ishinara aýystyrýǵa bolatyn úlgilerin kórsetti.

Aımaq basshysy Nurdáýlet Qılybaı forýmnyń óńir ekonomıkasyna oń áserin tıgizetinine senim bildirip, bul jobalar arqyly jańa jumys oryndary ashylyp, óńirdiń áleýmettik, ekonomıkalyq damýyna úles qosylatynyn atap ótti.

– Bul is-shara bizdiń óńirde erekshe ma­ńyzǵa ıe. Osyndaı aýqymdy forýmdy ótkizgenderińizge shynaıy alǵysymdy bil­diremin. О́ıtkeni bul óńir ekonomıkasynyń damýyna jańa serpin beretinine senimim mol. Eń bastysy, bul jobalar jańa jumys oryndaryn ashyp, halyqqa áleýmettik, ekonomıkalyq turǵyda paıda ákeledi dep úmittenemiz. Memleket basshysy Joldaýynda, basqa da alqaly jıyndarda óńirlik ónimderdi kóbeıtý men ekonomıkalyq áleýetti arttyrý qajettigin únemi atap ótedi. Elimizde óz isiniń sheberleri jetkilikti, olardyń arasynda álemniń damyǵan elderinde bilim alyp kelgen mamandar da bar. Sondyqtan barlyq múmkindikti tıimdi paıdalanyp, óz tarapymyzdan bul bastamalardy qoldap, qajetti kómekti kórsetýge daıynbyz, – dedi Nurdáýlet Qılybaı.

«QazMunaıGaz» UK» AQ basqarma tóraǵasy Ashat Hasenov munaı-gaz salasyndaǵy jergi-likti óndiristerdi yntalandyrýdyń mańyzyn atap ótti. Aıtýynsha, «QazMunaı­Gazdyń» iri jobalaryna otandyq óndirý­shilerdiń qa­tysýy el ekonomıkasynyń damýyn­da she­shýshi ról atqaryp, jańa jumys oryn­daryn ashýǵa, naryqta otandyq ónimniń básekege qabiletti bolýyn arttyrýǵa yqpal etedi.

Forým barysynda «О́zenmunaıgaz» AQ, Munaıly aýdanynyń ákimdigi, «KazPetroDrilling» AQ arasynda Mańǵystaý ob­lysynda bolat quıý óndirisin ashý týraly memorandýmǵa qol qoıyldy. Memo­randýmnyń maqsaty – jo­bany birlesip iske asyrý maqsatynda qoldaý kórsetý, jobany shıkizatpen qamtamasyz etý. Forým aıasynda qol jetken taǵy bir jańalyq – «QazMunaıGazdyń» enshiles kásiporyndary otandyq óndirýshilermen ofteık-ke­lisim­sharttar jasasty. Qol qoıyp, qol alys­­qan me­morandýmdardyń júzege asyp, el ıgiligine jaraýy – mańyzdy qajettilik.

Mańǵystaý oblysy