Armenııa Prezıdenti Vaagn Hachatýrıan Qazaqstanǵa resmı sapary aıasynda QR Ulttyq mýzeıine bardy, dep habarlaıdy Egemen.kz.
Armenııa Prezıdentine mýzeı zaldary boıynsha ekskýrsııa júrgizilip, qazaq halqynyń tarıhy men mádenıeti tanystyryldy. Hachatýrıan myrza kóne túrki jazýyna, Esik qorǵanynan tabylǵan «Altyn adam» oljasyna qyzyǵýshylyǵyn tanytty jáne mádenıetarlyq yntymaqtastyqty nyǵaıtý maqsatynda Erevan qalasynda Ulttyq mýzeı kórmesin ótkizýdi usyndy.
Vaagn Hachatýrıan mýzeıge alǵysyn bildirip, Qurmetti qonaqtar kitabyna qoltańbasyn qaldyrdy.