Osy jyldyń mamyr aıynda Kólik jáne Ishki ister mınıstlikterimen jáne «InDriver», «Iаndeks» taksı qosymshalarynyń basshylyǵy arasynda ózara Memorandým jasalǵan edi. Osy memorandýmǵa sáıkes 2025 jyldyń 1 qańtarynan bastap «InDriver» taksı qosymshasyna basqa memlekette tirkelgen, basqarý qurylǵylary oń jaqta ornalasqan jáne QR Zańnamasyn jıi buzatyn avtokólikterge tirkelýge shekteý qoıylady, dep habarlaıdy Egemen.kz.
«Sońǵy kezderi júrgizýshiniń tynyǵý rejıminiń buzylýy, reıs aldynda medısınalyq jáne mehanıkalyq tekserýden ótpeýi, mindetti saqtandyrýsyz jolaýshylar tasymaldaýy saldarynan jol apaty kóbeıdi. Elimizde «InDriver», «Iаndeks» taksı baǵdarlamasyn mobıldi qosymshaǵa tirkeý arqyly qanshama kólik jolaýshylardy tasymaldaıdy. Alaıda ol azamattar bekitilgen Ulttyq standartqa, taksı tasymaldaýshylaryna jáne qyzmet kórsetetin taksı avtokólikterine qoıylatyn talaptaryna sáıkes kelmeıtin avtokóliktermen jolǵa shyǵady», dedi Jambyl oblysy ákiminiń orynbasary Qanatbek Mádibek.