Aqmola oblysynda ekinshi toqsannan bastap taǵy eki jańa jaıly mektep jumysyn bastaıdy. Jaıly mektep 1200 orynǵa eseptelgen. Respýblıka kúni qarsańynda Aqmola oblysynyń ákimi Marat Ahmetjanov pen QR Parlamenti Májilisiniń depýtaty Aına Mysyrálimova Qabanbaı batyr aýylyndaǵy mektep-lıseıdi aralap kórdi, dep habarlaıdy Egemen.kz oblys ákimdiginiń baspasóz qyzmetine silteme jasap.
Oqýshylar úshin jańa modıfıkasııadaǵy kabınetter, sport zaldary, STEM-zerthana, keń ashana, kitaphana, sport alańy jáne basqa da múmkindikter qarastyrylǵan.
«Kelesi toqsanda bul mektepte 800-den astam oqýshy bilim ala bastaıdy. Aıta ketý kerek, mektep tek Qabanbaı batyr aýyly turǵyndarynyń ǵana emes, jaqyn mańdaǵy eldi mekenderdegi balalardyń da bilim alýyna qyzyǵýshylyq tanytyp otyrǵan ortalyqqa aınaldy», dedi mektep-lıseıdiń dırektory Rústem Jahın.
О́ńir ákimi jańa oqý jylynda oblysta 8 mektep ashylǵanyn, olardyń 6-ýy oryn jetispeýshiligi máselesin sheshý jáne oqýshylarǵa qolaıly jaǵdaı jasaý maqsatynda ulttyq joba aıasynda salynǵanyn atap ótti.
«Memleket basshysynyń bastamasymen bizdiń óńir aýyldarynda jaıly mektepter ashylyp jatyr, olardyń jaǵdaıy qalalyq mektepterden esh kem emes. Bir aýysymda oqytý qosymsha bilim berý júıesiniń tıimdi jumysyn uıymdastyrýǵa múmkindik beredi. Bizdiń elimizdiń bolashaǵy – bilimdi jáne jan-jaqty damyǵan balalardyń qolynda», dedi Marat Ahmetjanov.
Aıta keteıik, taǵy bir jaıly mektep Qarajar aýylynda ashyldy.