«Ańqaý elge aramza molda» bolǵan ınternet alaıaqtary qıturqy áreketterimen qarapaıym halyqty quryǵyna iliktirip, 30 myń adamnyń jeke bank kartalaryn qylmystyq shemaǵa paıdalanǵan, dep habarlaıdy Egemen.kz.
24.kz saıtynyń jazýynsha Qarjy monıtorıngi Agenttigi 30 myń adamnyń esepshoty esirtki saýdasyna qatysty operasııaǵa qoldanylǵanyn málimdegen. Alaıaqtardyń aram oıyna aldanǵandar negizinen jumyssyzdar, stýdentter jáne qoǵamnyń osal top ókilderi kórinedi.
«Astana men Qaraǵandy qalasynyń stýdentteri jáne temirtaýlyq 64 jastaǵy zeınetkerdiń shottary arqyly 100 mln teńgeden astam qarjy jylystatylǵan. Olar «drop» retinde Telegram-dúkeninde esirtki satýdan alynǵan aqshany ótkizýge qatysqan. Alaıaqtar osylaısha 2 mlrd teńgeden astam qarjyny aınaldyrǵan. Sol sııaqty Almatyda 20 jastaǵy stýdenttiń esepshotyna 900-den astam adamnan 22,5 mln teńge aýdarylǵan», deıdi QR QMA resmı ókili Álibek Ábdilov.
Mamandar mundaı zańsyz shemalarǵa qatysý saldary ákimshilik jáne qylmystyq jaýapkershilikke aparatynyn eskertip, turǵyndardan saq bolýdy surap otyr.