Joǵary aýdıtorlyq palatanyń úzdik qyzmetkerleri Respýblıka kúnine oraı memlekettik nagradalarǵa ıe boldy. Saltanatty is-shara barysynda olardy Joǵary aýdıtorlyq palata tóraǵasy Álıhan Smaıylov tabystady, dep habarlaıdy Egemen.kz.
Memleket basshysynyń Jarlyǵyna sáıkes Joǵary aýdıtorlyq palata aýdıtorlary «Qurmet» ordenimen jáne «Eren eńbegi úshin» medaldarymen, sondaı-aq vedomstvolyq nagradalarmen marapattaldy.
Ujymdy quttyqtaı otyryp, Álıhan Smaıylov Respýblıka kúnine ulttyq mereke mártebesin qaıtarý týraly usynysty el Prezıdenti Qasym-Jomart Toqaev 2022 jylǵy maýsymda ótken Ulttyq quryltaı otyrysynda aıtqanyn eske saldy.
Álıhan Smaıylov Memleket basshysy belgilegen ekonomıkany odan ári damytýdyń negizgi mindetterin iske asyrýda memlekettik aýdıt organdarynyń róli óte mańyzdy ekenin atap ótti.
«Áriptester, sizder atqaryp otyrǵan jumystyń mańyzy óte zor. Jaýapkershilikpen obektıvtilik – sáttiliktiń kepili. Aldaǵy ýaqytta da kásibı maman ekenderińizdi kórsetip, naqty nátıjelerge qol jetkizýge umtylatyndaryńyzǵa senimdimin», dedi Joǵary aýdıtorlyq palata tóraǵasy.
Merekelik is-shara aıasynda Respýblıka kúnine oraı ótken balalar sýretteri konkýrsynyń jeńimpazdary da marapattaldy. Álıhan Smaıylov olarǵa estelik syılyqtar tabys etti.