Jasampazdyq jemisi

Dúrildegen 2015 jylǵy pre­zıdenttik saılaý da ótip, tarıh tórine shyǵyp, ornalasty. Onyń qorytyndylary men sabaqtary áli uzaq merzim boıyna saraptalyp, búgingi tirshiligimizben qatar júreri de haq. Saılaý nátıjesi áýelden belgili bolǵanyn osy naýqanda halyq aıtty. Saılaýshylar Nur­sultan Ábishulynyń Qazaqstan damýy­nyń strategııalyq baǵdar­lamalaryn biraýyzdan qoldaı­tyndaryn aıtyp júrdi de, saılaý­da óz ustanymdaryn daýys berý arqyly jarııa etti. Bul – osy saı­laýdyń eń úlken, eń basty mazmundyq saıası ereksheligi deýge bolar edi. Solaı bola tursa da, saılaý nátıjeleriniń eń alǵashqy áserleri men erekshelikterin aıshyqtaýdyń da mańyzy qajet-aq. Birinshiden, saılaý tipti balama úmitkerler bolǵanyna qaramastan, birtutas Qazaqstan halqynyń aıryqsha yntymaq, birligin aıǵaqtady. Bul saılaý ártúrli kózqarastaǵy adamdardyń bir ortaq Tulǵanyń tóńiregine toptasyp, ortaq múddege jumylýy memleket úshin de, qoǵam úshin de, erteńgi bolashaq jetistikterimiz úshin de oń yqpal eteri anyq. Ekinshiden, Qazaqstan aza­mattarynyń qoǵamdyq, mem­le­kettik belsendiliginiń buryn-sońdy bolmaǵan bıikke kóterilýi – bizdiń elimizdegi quqyqtyq keńistiktiń tolyǵyp, turaqtanýynyń, onyń jaı sóz emes, shynaıy ómir tynysymen astasyp, tir­shiligimizge qalyptasýynyń kóri­nisi. Qa­zaq­stan azamattary óz taǵ­dyrlaryna, óz memleketine, onyń memlekettik basqarý ıns­tıtýt­taryna beıjaı qaraı almaı­tyn­dyǵyn kórsetti. Osyndaı sapaly kórset­kish­terdiń nátıjesinde Qazaqstanda tirkelgen 9 mıllıonnan astam saılaýshynyń 95 paıyzynyń saılaýǵa kelip, óz daýystaryn berýi – memleketimizdiń, bizdiń aza­­mattyq qoǵamnyń jańa sapaǵa kó­terilýiniń kýási. Sóz joq, bul – ór­ke­nıet jolyndaǵy óte sapaly jetis­tik. Saılaýshylardyń belsendiligi jalpy, elimizde saılaýlar tarıhynda bolmaǵan deńgeıge kóte­rilgenin aıtýymyz oryndy. El­diń erekshe kóńil-kúıi, yqy­lasy, saılaýǵa múddeliligi qoǵam­nyń aýanyna jańa sıpat, jańa sezim berdi. Bul – el sapasynyń óskendigi. Úshinshiden, saılaýaldy úgit-nasıhat jumystary óte joǵary uıymshyldyqpen, eshqandaı oıdan shyǵarylatyndaı saıa­sı qaı­shylyqsyz, aıqaı-shý­syz, qaq­tyǵyssyz, daý-damaısyz, kó­bine salıqaly, ortaq múd­delilik turǵysynda ótti. Bul – bir ja­ǵynan halyqtyń óz tań­daý­laryna senimdiligin bildirse, ekinshi jaǵynan bizdiń qoǵamnyń saıası mádenıetiniń, taǵy da qu­qyq­tyq, jalpy qoǵamdyq máde­nıetiniń óskendigin, joǵary dáre­jesin kórsetedi. Barlyq sharalar zań aıasynda júrgizildi. Zańnan aýytqýshylyqqa oryn berilmedi. Sondyqtan da saılaý elimizde zań­dyq, quqyqtyq keńistiktiń turaq­talýyna oń yqpalyn tıgizgeni de qýanarlyq jaǵdaı. Tórtinshiden, aıryqsha ek­pin berip aıtylýǵa tıisti kóri­nis – saılaýǵa, ásirese, jastar­dyń qyzyǵýshylyǵy, qulshy­nysy. Bul – jastar buryn sel­qos edi degendikten emes. Jas býyn árýaqytta da óziniń belsen­diligimen, ómirge degen jarqyn yqylasymen erekshelenetini belgili. Osy saılaýǵa bizdiń mem­­lekettik táýelsizdigimizdiń qur­das­tary – jas býyn úlken saıası kúsh bolyp kelgenin de aıtqanymyz jón. Olardyń kópshiligi saılaý qu­qyqtaryn ómirinde birinshi ret júzege asyrdy. Jáne sol quqyq­taryn bilip, sanaly túrde zor jaýap­kershilikpen atqarǵandary qýan­tady. Oǵan dálel – saılaýaldy kezdesýlerdegi jastardyń áńgi­me­leri, qoıǵan suraqtary, sóıle­gen sózderi, bilimderi, dúnıe­ta­nymdary. Jastar Elbasynyń «Qazaq­stan-2050», «Nurly Jol» stra­te­gııalyq baǵdarlamalarynyń Qazaqstan bolashaǵyna mańyz­dylyǵyn óte jaqsy túsinedi, ári jaýapkershiligin aıqyn sezinedi. Qýantatyn taǵy bir jaǵdaı – buryn saılaý ýchaskeleri tańnan ashylǵanda eń alǵashqy daýys berýshiler ádette eńbegi sińgen ar­dagerler, ómirde kórgeni kóp aǵa býyn ókilderi bolsa, bul saılaýda tań ata alǵashqy daýys berýshilerdiń qatarynda jastar óte kóp boldy. Kóptegen saılaý ýchaskelerinde, tipti, ashyla­tyn ýaqytynan buryn, kezekke turyp, shoǵyrlanǵan saılaýshy­lardy kórgende erekshe áser se­zingenimiz de shyndyq. Al shetel­dik baıqaýshylar bolsa, mundaı kóriniske tańǵalǵannan basqa amaldary qalmady. Mine, ultymyzdyń, halqy­myz­dyń óskeni. Bolashaqqa zor senim. Besinshiden, árıne, bul saılaý – el, memleket bolashaǵynyń saılaýy. Saılaýshylar óte sanaly túrde Nursultan Ábishulynyń mem­leketimizdiń áleýetiniń kó­terilýine joǵary baǵa bere otyryp, onyń bolashaǵymyzǵa bet alǵan «Qazaqstan-2050», «Máńgilik El», «Nurly Jol – bolashaqqa bastar jol» memleketimizde dál búgin, taıaý merzimde atqarylyp, júzege asýyna tıisti 5 ınstıtýttyq reformany tutastaı qoldady. Osy orasan baǵdarlamalardyń el turmysyna enýine búkil halyq úlken jaýapkershilikpen ári óz Otanynyń bolashaǵyna degen patrıottyq sezimmen bilek sybana aralasatyny da aıdan anyq. Túıindeı aıtsaq, jalpy saılaý elimizdegi saıası qoǵamdyq aýandy tazartty, jaqsartty, ha­lyq­tyń kóńil-kúıin, rýhyn, ojdanyn, sanasyn jańa deńgeıge kóterdi. Saılaý ultymyzdyń ynty­maǵyn kúsheıtti. Búkil Qazaq­stan halqynyń tutastyǵyn turaq­tan­dyrdy. Bılikke, memleketke senim kúsheıdi. Nursultan Ábishulynyń Máńgilik El bıikterine bastaǵan búkilhalyqtyq joryǵynyń jasam­pazdyq jeńisi boldy. Qýanysh SULTANOV, Májilis depýtaty, «Nur Otan» partııasy Saıası keńesiniń Bıýro múshesi.