Búgin AQSh-tyń Qazaqstandaǵy Tótenshe jáne ókiletti elshisi Denıel Rozenblıým Astanadaǵy ÖzgeEpis kreatıv habyna arnaıy qonaq retinde kelip, birqatar mádenı, shyǵarmashylyq jobalardy tamashalady. Bul sapar mádenıetaralyq dıalogtiń, óner men bilimniń ózara baılanysyn nyǵaıtýdyń aıqyn kórinisi. Elshi Rozenblıýmge keńistiktiń negizin qalaýshylar apaly-sińli Toǵjan jáne Maqpal hanymdar kreatıv hab jumysyn tanystyrdy.
Eń aldymen elshi «ÖzgeEpic» kitaphanasyn aralady. О́ner keńistigindegi kitap qoryna erekshe nazar aýdaryp, 300-ge jýyq qazaq tilindegi kitapty tartý etti. Elshiniń nazaryna «Aspan jylqylary» kórmesi usynyldy. Bul – ulttyq qundylyqtardy dáripteıtin baǵaly kolleksııa HIH–HHI ǵasyrlar aralyǵyndaǵy at ábzelderin negiz etken biregeı jádigerler toptamasy. Sol úshin de ulttyq naqysh pen zamanaýı kórkemdik sheshim elshiniń joǵary baǵasyna ıe boldy.
Kezdesý barysynda elshi etno-murajaımen de tanysty. Munda qazaqtyń qolóner túrleri men týyndylary kórsetildi. «ÖzgeEpic» kreatıv habynyń jetekshisi Toǵjan Qurmanjanqyzy AQSh elshisine qazaqtyń ulttyq mádenıetiniń mańyzyn túsindirip, syı retinde asyq toptamasyn tartý etti. Sonymen birge Osman muraǵattarynan tabylǵan qazaq handary men Osman sultandary arasyndaǵy dıplomatııalyq qujattardyń túpnusqa kóshirmeleri tanystyryldy. Olardyń tarıhy men dıplomatııalyq mańyzy elshiniń erekshe qyzyǵýshylyǵyn týǵyz- dy.
Kezdesý barysynda AQSh dıplomatyna tanystyrylǵan kelesi joba – bilimdi turaqty damytý qorymen birlese jasalǵan «Aýyl mektebi» fotokórmesi. Bul joba – aýyl mektepteriniń damýy men olardyń jergilikti qoǵamǵa tıgizgen áserin beıneleıtin áleýmettik joba. Is-shara sońynda Denıel Rozenblıým myrza «ÖzgeEpic» qabyrǵasyna estelik retinde óz lebizin qaldyrdy. Elshi myrzanyń bul sapary eki el arasyndaǵy mádenı dıalogtiń mańyzyn kórsetti.