Jarysqa Qytaı, Kanada, Reseı elderinen eń kóp sportshylar keldi.
29 qańtar men 8 aqpan aralyǵynda 2017 jylǵy qysqy Ýnıversıada oıyndarynda 2 myńǵa jýyq sportshy qatysady. Sonymen qatar, 30 myńǵa jýyq sheteldik qonaq pen týrıst keledi dep kútilýde. Al telearnalar arqyly 80-nen astam elden 1 mlrd adam tamashalamaq.
Stýdentter bıatlon, shańǵy sporty, kıorlıng, konkı sporty, shańǵy qossaıysy, shańǵymen jarys, shańǵymen tuǵyrdan sekirý, snoýbord, mánerlep syrǵanaý, frıstaıl,shaıbaly hokkeı,short-trek sporttarynan baq synaıdy.
Ýnıversıada 8 nysanda ótedi: «Shymbulaq» taý-shańǵy shıpajaıy, «Medeý» sport kesheni, «Suńqar» shańǵy tramplınder kesheni, B.Sholaq atyndaǵy sport saraıy, «Alataý» shańǵy-bıatlon kesheni, Muz saraıy, Muz arenasy jáne Almatynyń ortalyǵyndaǵy ýaqytsha sport kesheni.
Aıta keteıik, elimiz Ýnıversıadaǵa 1993 jyldan beri qatysyp keledi. Osy ýaqyt aralyǵynda 700 sportshy 125 medal jeńip aldy.