Mádenıet jáne aqparat mınıstrligi Din isteri komıtetiniń arnaıy jobasy aıasynda Atyraýda jastar arasynda dástúrli rýhanı-adamgershilik qundylyqtardy qalyptastyrý jáne dinı ekstremızmniń aldyn alý baǵytynda semınarlar men ártúrli formattaǵy is-sharalar ótkizdi, dep jazady Egemen.kz.
Is-sharalar Atyraý oblysy din isteri basqarmasynyń qoldaýymen, bekitilgen jospar boıynsha 14-18 qazan kúnderi ótti.
Is-sharaǵa teolog, dintanýshylar Sarıev Sultangeldi Serikuly – Atyraý oblysy, «Shapaǵat» DDA japa shekkenderge kómek ortalyǵy» QQ teolog mamany, Alpysbaeva Nazym Seıthanqyzy – «Qaraǵandy oblysy, konfessııaaralyq problemalaryn zertteý jáne taldaý ortalyǵynyń» psıholog mamany, Shopanova Baqytgúl Maqsotqyzy – Mańǵystaý oblysy, Din isteri basqarmasy «Dinı birlestiktermen baılanys jáne dinı ekstremızmge qarsy nasıhat jumystaryn uıymdastyrý» bóliminiń basshysy, О́tegen О́ser О́tegenuly – Respýblıkalyq aqparattyq túsindirme tobynyń múshesi, qoǵam belsendisi, zańger qatysty.
Is-sharalardy uıymdastyrý barysynda, Atyraý qalasy, Mahambet, Isataı, Dossor jáne Maqat aýdandarynyń kolledj jáne ýnıversıtet stýdentterimen, sport mektepteriniń sportshylary men jattyqtyrýshylarymen, jastar resýrstyq ortalyǵynyń jas mamandary men qyzmetkerleri «Zaıyrly memleket: zań, uǵym jáne qaǵıdattar», «Jastar arasynda rýhanı qundylyqtardy túsindirý jáne dinı saýattylyqty arttyrý», «Teris dinı aǵymdardyń qoǵamǵa qaýiptiligi», jáne t.b. taqyryptar aıasynda dáris tyńdady.