Jas ana bir jasar balasymen Almatydan elordaǵa bara jatyp, jolda balany emizýge sheshim qabyldaıdy. Mashınanyń tar keńistigindegi abaısyz áreketterdiń saldarynan balanyń shyntaq býyny shyǵyp jaraqattandy, dep habarlaıdy Egemen.kz.
«Telefon arqyly oqıǵanyń egjeı-tegjeıin anyqtaǵannan keıin TJM Apattar medısınasy ortalyǵynyń tájirıbeli qyzmetkerleri jedel áreket etý brıgadasy qarsy alýǵa bara jatqanda zardap shekken bala bar kólik «Balqash» trassalyq medısınalyq-qutqarý pýnktine qaraı júrýi arqyly ýaqytty qysqartýdy usyndy», dep jazdy TJM baspasóz qyzmetinen.
Osylaısha trassada zardap shekken balany qarsy alǵan qutqarýshylar balapannyń qolyna aýyrsynýdy basatyn dári egip, ony tańyp, mazasyzdanǵan anasyn tynyshtandyryp, Balqash qalasyndaǵy kópsalaly aýrýhanaǵa apardy.