Albanııa astanasy Tıranada erkin kúresten 23 jasqa deıingi jastar arasyndaǵy álem chempıonatynda Rızabek Aıtmuqan altyn medal ıelendi, dep jazady Egemen.kz.
Fınaldyq básekede el balýany Iran sportshysyna qarsy synǵa tústi.
97 kelide Rızabek Aıtmuqan Mahdı Muharamálı Morafandy 11: 6 esebimen jeńdi.
Osylaısha, Rızabek 3 túrli jas sanatynda álem chempıonatynda altyn alǵan tuńǵysh qazaq palýany atanyp otyr.
Aıta keteıik, Rızabek Aıtmuqan byltyr Belgradta eresekter arasynda (92 kg deıingi salmaq), al bıyl Pontevedra qalasynda 20 jasqa deıingi palýandar arasynda álem chempıony (97 kg deıingi salmaq) atanǵan.Otandasymyz keshe 3 beldesý ótkizip, birinshi aınalymda Kallým Ýılıam Nokty (Kanada), odan keıin Vladıslav Kozlovty (Beıtarap atlet) taza jyqty. Al jartylaı fınalda Shamıl Imam Gadjalıevten basym tústi.