Sý resýrstary jáne ırrıgasııa mınıstri Nurjan Nurjigitov Fransııanyń Qazaqstandaǵy Tótenshe jáne О́kiletti Elshisi Sılvan Gıogemen kezdesip, ekijaqty yntymaqtastyq baǵyttaryn talqylady, dep habarlaıdy Egemen.kz Sý resýrstary jáne ırrıgasııa mınıstrliginiń baspasóz qyzmetine silteme jasap.
Atap aıtqanda, mınıstrlik Fransııanyń damý agenttigimen (AFD) jáne Fransııanyń geologııalyq jáne taý-ken zertteýler bıýrosymen (BRGM) yntymaqtastyq týraly memorandýmǵa jáne úshjaqty kelisimge qol qoıýǵa daıyndalyp jatyr. Vedomstvo atalǵan uıymdarmen birlesip Ile-Balqash basseınine keshendi zertteý júrgizedi. Sondaı-aq jerasty sýlaryn zertteý, monıtorıngi, barlaý jáne ıgerý baǵytynda da yntymaqtastyq jolǵa qoıylady.
Budan bólek, Sý resýrstary jáne ırrıgasııa mınıstrligi Halyqaralyq sý bıýrosymen (OiEau) yntymaqtastyq múmkindikterin qarastyrýda.
Sılvan Gıoge óz kezeginde fransýz kompanııalary Qazaqstanda sý sharýashylyǵy qurylystaryn salý jáne rekonstrýksııalaý boıynsha jobalarǵa qatysýǵa nıetti ekenderin aıtty. Sondaı-aq, sý shyǵynyn anyqtaıtyn jáne sýdy basqarýdy ońtaılandyratyn kompanııalar da seriktestik ornatýǵa qyzyǵýshylyq tanytyp otyr.
«Memorandým men kelisimge qol qoıý bizdiń yntymaqtastyǵymyz úshin mańyzdy qadam bolmaq. Biz fransýz áriptesterimizben uzaq merzimdi jáne nátıjeli jumys isteýge nıettimiz»,dedi Sý resýrstary jáne ırrıgasııa mınıstri Nurjan Nurjigitov.