О́skemendegi dámhananyń esik aldyndaǵy aǵashta qara polıetılen paketke oralyp, adam denesine uqsas asylyp turǵan belgisiz zat qala turǵyndarynyń záresin aldy, dep habarlaıdy Egemen.kz.
Anyqtalǵandaı, bul dámhana qojaıynynyń Helloýın merekesine daıyndyǵy bolyp shyqty. Biraq qala turǵyndaryna mundaı dekor unamady.
Áleýmettik jelide tez taraǵan bul sýret polısııanyń da nazaryna ilindi. Arandatýshylyq áreketi úshin mekeme ıesine aıyppul salyndy.
Dámhana «Qalalar men eldi mekenderdiń aýmaqtaryn abattandyrý erejelerin buzǵany úshin» 30 AEK (111 myń teńge) kóleminde aıyppul tóleýge májbúr bolady.
Qala turǵyndaryn shoshytqan bul mýlıaj ornynan alynyp tastaldy.