Mádenıet úıleri – rýhanııat uıasy

Osy atalǵan eldi mekenderde tura­tyn halyq birazdan beri jergilikti ákimdikke bir mádenıet úıin salyp berý jóninde ótinish bildirip kelgen edi. Turǵyndardyń osy ótinish-tilegin eskergen qala ákimi Ǵabıt Syzdyqbekov mádenıet oshaqtarynyń qurylysyn jedeldetip qolǵa alýdy tapsyrdy. Sonyń nátıjesinde shahardyń shalǵaı eldi mekenderinde zamanaýı úlgide sa­lyn­ǵan mádenıet úıleri paıda boldy. Turǵyn alap halqymen osynaý qýa­nysh­ty bólisýge megapolıs basshysy arnaıy jumys saparymen baryp, jańa nysan­dar­dyń ashylýyna qatysty.

«Mádenıet – memleket damýynyń ajyramas bóligi. О́rkenıetti elder qa­shan­da joǵary mádenıetimen ólshen­gen. Qoǵamda tynyshtyqtyń ornaýy, azamattyq ustanym kózqarasynyń qa­lyp­tasýy, adamdardyń bir-birine degen súıis­penshiligi men baýyrmaldyǵy máde­nıet­tilikten bastaý alady. Búginde qala irgesindegi eldi mekenderde onyń birden-bir qaınar kózi mádenıet oshaqtary bolyp otyr. Halyq rýhanııatyna qyzmet atqaratyn ǵımarat bolǵan soń endi bul jerde túrli is-sharalar ótkiziletin bolady. Sonymen birge mádenıet oshaqtary bos ýaqytty tıimdi ótkizýge arnalǵan taptyrmas orynǵa aınalady degen senim mol. Mádenıet salasy – memlekettiń ustanyp otyrǵan basym baǵyttarynyń biri. Sol sebepti Prezıdent tapsyrmasyna sáıkes megapolıste jańa shyǵarmashylyq alańdar qurý, sondaı-aq daryndy jas­tardy qoldaý jumystary jalǵasyn taba beredi», dedi Ǵ.Syzdyqbekov.

Megapolıs basshysy turǵyndardy, onyń ishinde jastardy kóp oqýǵa, óner-bilim qýýǵa, sportpen shuǵyldanyp, salamatty ómir saltyn ustanýǵa, balalar tárbıesine kóp kóńil bólýge shaqyrdy. Osy turǵyda: «Balalardyń ýaqytyn qazir telefon urlap jatyr. Saǵattap oıyn oınaý, qalaberdi, áleýmettik jeliden shyqpaý jalpy qoǵamnyń ádetine aınalyp barady. Bul rette oqýshylardyń gadjetterge qumarlyǵyn shekteý men olardyń sport, rýhanııat turǵysynan jan-jaqty damýyna jaǵdaı jasaý – óte mańyzdy is. Osy oraıda mádenıet oshaqtary úlkender men jastardyń, balalardyń ortaq rýhanııat jolynda bas qosar shyǵarmashylyq ortasy bolady degen senimdemiz. Mádenıeti bıik, bilimi joǵary el qashanda ozady. Ádiletti qoǵam quramyz, elimizdi órkenıetti mem­leketterdiń qataryna qosamyz desek, bilim men mádenıetke basa kóńil bólýimiz qajet», degen pikir aıtty.

О́z kezeginde jergilikti turǵyndardyń ótinish-tilekterin oryndap, sózin jerde qal­dyrmaǵan qala basshylyǵyna úlken alǵystaryn jetkizdi. Mega­po­lıste qor­da­lanǵan ózekti áleýmettik máse­le­ler­diń der kezinde ári birtin­dep sheshi­lip kele jatqanyna rızashy­lyq­taryn bildirdi.

Byltyr jeltoqsan aıynda qurylysy bastalǵan mádenıet úıleri jobaǵa sáıkes eki qabattan turatyn ǵımarat retin­de salyndy. Ár turǵyn alaptaǵy mádenıet oshaqtarynyń aýmaǵy 4 myń sharshy metrge jýyq aýdandy qu­raı­dy. 100 orynǵa deıingi akt zaldary bar zamanaýı mádenıet úılerinde vestıbıýl, garderob, qural-jabdyq qoıatyn, grım jasaý, múmkindigi shekteýli aza­mat­tarǵa arnalǵan bólmeler, jumys kabınetteri, kitaphana, oqý men jattyǵý zaldary qarastyrylǵan. Oqý zaly, kompıýterlik bólme, demalys jaılary men qyzmetkerler kabıneti bar­lyq ke­rekti jabdyqtarmen qam­ta­ma­syz etilgen. Jylý men sý júıesi qala­­nyń ortalyqtandyrylǵan kom­mý­nal­dyq qyz­metine qosylǵan. Munda horeografııa bólimi men túrli úıirme synyptary ashylatyn bolady. Ekinshi qabatta ornalasqan kitaphana eldi meken turǵyndarynyń rýhanı qajetin óteýge qyzmet atqarady.

ShYMKENT