Sý resýrstary jáne ırrıgasııa mınıstri Nurjan Nurjigitov Ispanııanyń 1000-nan astam qurylys kompanııalaryn biriktiretin Ispan ónerkásiptik ınjenerler qaýymdastyǵynyń ókilderimen kezdesti. Taraptar sý ınfraqurylymyn salý jáne kadr daıarlaýda yntymaqtastyq múmkindikterin talqylady, dep habarlaıdy Egemen.kz.
Sheteldik delegasııa mınıstrge Ispanııada jáne basqa memleketterde júzege asyrylǵan iri jobalar týraly aıtty. О́nerkásiptik ınjenerler qaýymdastyǵy ókilderiniń aıtýynsha, ıspandyq qurylys kompanııalary Qazaqstannyń sý sharýashylyǵy nysandarynda jumys isteýge nıetti.
Sonymen qatar sheteldikter sala mamandarynyń biliktiligin arttyrý boıynsha da qoldaý kórsetýge daıyn ekendigin bildirdi.
«Búgingi tańda ıspandyq kompanııalarmen jerasty sýlaryn barlaý jáne zertteý máselesin pysyqtap jatyrmyz. Bizge ıspan ınjenerleriniń tájirıbesi, sonymen qatar birlesip maman daıarlaý múmkindigi qyzyq», dedi Sý resýrstary jáne ırrıgasııa mınıstri Nurjan Nurjigitov.