Jappaı syrǵanaý maýsymy ashylatyn kúni №12 avtobýs baǵytyn «Medeý» bıik taýly muz aıdynyna deıin ulǵaıtý josparlanyp otyr, dep habarlaıdy Egemen.kz.
Osy jáne basqa da aqparattardy taratqan Almaty ákimdiginiń baspasóz qyzmetiniń málimetinshe, 1 qarashada «Medeý» muz aıdyny tehnıkalyq rejımde iske qosylady. 2 qarashada «Medeý» bıik taýly muz aıdynynda jappaı syrǵanaýdyń jańa maýsymynyń saltanatty ashylýy ótedi.
Almaty sport ǵımarattarynyń dıreksııasy bıletterdi www.medeu.kz resmı saıty arqyly satyp alýdy jáne qoǵamdyq kólikterdi paıdalanýdy usynyp otyr.