Qytaılyq elektromobıl óndirýshi XPeng kompanııasy ushatyn avtokólikter shyǵaratyn zaýyt qurylysyn bastady, dep habarlaıdy Egemen.kz «Xinhua» qytaı halyq gazetine silteme jasap.
Qytaılyq basylym málimetinshe, zaýyttyń aýmaǵy - 10 myń gektar jáne Qytaıdyń ońtústigindegi Gýanchjoý provınsııasynda salynyp jatyr. Munda álemde alǵash ret ushatyn avtokólikterdiń jappaı óndirisi qolǵa alynady. Alǵashqy kezeńde zaýyttyń óndiristik qýaty jylyna 10 myń avtokólikke jetedi dep josparlanǵan.
XPeng kompanııasy Aeroht ushatyn avtokóligi 2024 jyldyń sońynda baǵasy 2 mıllıon ıýanǵa (120 mln teńge) deıin aldyn ala tapsyrysty bastaýdy josparlap otyr, al serııaly óndiris pen alǵashqy jetkizýler 2026 jyly júzege asyrylady.
Aeroht ushatyn kólik modeli 12-17 qarasha aralyǵynda Chjýhaýda ótetin Airshow China avıasalonynda tanystyrylady.
Eske sala keteıik, buǵan deıin Qytaıdyń Gýanchjoý qalasynda ushqyshsyz áýe taksıi synaqtan ótkizildi.
Qytaıdaǵy tanystyrylymda synaq reısi oryndaldy. Áýe kóligin jergilikti EHang Holdings Ltd kompanııasy qurastyrǵan. Bul álemdegi alǵashqy ushqyshsyz ushatyn kommersııalyq elektrotaksı bolmaq.