Fýtboldan ótken maýsymnyń úzdikteri anyqtaldy. Fransııanyń astanasy – Parıjdegi áıgili «Shatle» teatrynda uıymdastyrylǵan saltanatty jıynda baǵy janǵan juldyzdardyń esimderi atalyp, olarǵa arnaıy syılyq tabys etildi.
Jyldyń eń úzdik fýtbolshysy ataǵynan úmitkerler ekeý edi. Olar – ıspanııalyq Rodrı men brazılııalyq Vınısıýs Jýnıor. Alǵashqysy – «Manchester Sıtıdiń» shabýylshysy, ekinshisi Madrıdtiń «Realynyń» jartylaı qorǵaýshysy. Ekeýi de jasyl alańda jasyndaı jarqyldap júrgen juldyzdar. Bul joly «Altyn dopty» Anglııanyń Premer-lıgasynda óner kórsetip júrgen 28 jastaǵy Rodrı oljalady. Sóıtip, Pıreneı túbeginiń túlegi tórtkúl dúnıedegi teńdessiz teńbil dop sheberi dep tanyldy. Al áıelder arasynda eń úzdik oıynshyǵa tıesili arnaıy júlde Ispanııanyń ulttyq quramasy men «Barselonanyń» betkeustary Aıtana Bonmatıge tabys etildi.
Atalǵan shara barysynda «Kopa trofeıin» (eń úzdik jas oıynshy) Lamın Iаmal («Barselona», Ispanııa quramasy), «Mıýller trofeıin» (eń nátıjeli oıynshy) Harrı Keın («Bavarııa», Anglııa quramasy) men Kılıan Mbappe («Real Madrıd», Fransııa quramasy), «Iаshın trofeıin» (eń úzdik qaqpashy) Emılıano Martınes («Aston Vılla», Argentına quramasy) ıelendi. Karlo Anchelottı («Real», Madrıd) men Emma Heız («Chelsı», AQSh-tyń áıelder quramasy) eń bilikti bapker retinde tanylsa, «Real Madrıd» (erler) pen «Barselona» (áıelder) klýbtary jyldyń eń úzdik komandasy atandy.