Qurmanǵazy kóshesinde Pýshkın kóshesinen Zenkov kóshesine deıingi qubyr jelisin aýystyrý jumystary aıaqtaldy, dep habarlaıdy Egemen.kz.
Bıyl uzyndyǵy 305 metr ýchaske qaıta jańartylǵan. 1986 jyly paıdalanýǵa berilgen qubyr aýystyrylyp, qazirgi ýaqytta 5 kópqabatty turǵyn úı men 4 basqa nysandy jylý jáne ystyq sýmen qamtamasyz etip tur.
Almaty ákimdiginiń málimetinshe, bıyl qala ákimi Erbolat Dosaevtyń tapsyrmasymen 20 km jylý júıesine jóndeý jumystary júrgizilgen. Jyl saıyn jylytý maýsymyna deıingi kezeńde júrgiziletin atalǵan jumystar – bıyl Almatynyń 6 aýdanynda júrgizilgen. Al sol ýchaskelerdegi abattandyrý jumystary aýa raıyna baılanysty kezeń-kezeńimen júzege asyrylady.