Májilis alańynda Densaýlyq saqtaý mınıstri Aqmaral Álnazarova elimizdegi dárigerlerdiń ortasha jalaqy mólsherin málim etti, dep habarlaıdy Egemen.kz.
«Qazaqstan boıynsha eseptelgen ortasha jalaqy bar. Mysaly, jańa bastaǵan dáriger shamamen 350-300 myń teńge alsa, tájirıbeli dáriger, kardıohırýrg mıllıon teńgeden joǵary alady. Osynyń bári qosylyp, Qazaqstandaǵy ortasha jalaqy 405 myń teńge shamasynda bolady eken», deıdi Aqmaral Álnazarova.
Buǵan deıin Qarjy mınıstri Mádı Tákıev 2025 jyly densaýlyq saqtaý salasyna memlekettik bıýdjetten 2,4 trıllıon teńge jumsaý josparlanyp otyrǵanyn aıtqan edi.