Memleket basshysy G42 kompanııasynyń basqarma tóraǵasy Peng Sıaony qabyldady. Qasym-Jomart Toqaevqa Qazaqstanda jasandy ıntellekt tehnologııalaryn damytý boıynsha buǵan deıingi kezdesýlerde qol jetkizilgen ýaǵdalastyqtardy júzege asyrý barysy jóninde málimet berildi, dep jazady Egemen.kz.
Sonymen qatar Smart City júıesin engizý baǵytynda yntymaqtastyqtyń perspektıvasy talqylandy. Joba zamanaýı tehnologııalyq sheshimderdiń kómegimen qala turǵyndarynyń ómir súrý sapasyn jaqsartýǵa baǵyttalǵan.
Kezdesýde ınnovasııalyq tehnologııa jáne «aqyldy» ınfraqurylym salalarynda Qazaqstan men G42 kompanııasy arasyndaǵy yqpaldastyqty keńeıtýdiń tyń múmkindikteri qarastyryldy.