Qazaqstan IIM Interpol ulttyq ortalyq bıýrosynyń suraýy boıynsha buzaqylyq jasaǵany úshin halyqaralyq izdeýge jarııalanǵan qazaqstandyq azamat Ystambulda ustaldy, dep habarlaıdy Egemen.kz Polisia.kz-ke silteme jasap.
Anyqtalǵandaı, ótken jazda Saryaǵash qalasyndaǵy dámhanalardyń birinde er adam dostarymen birge basqa kelýshimen janjaldasyp, onyń denesine zaqym keltirip, mekemeniń múlkine zııan keltirgen.
Ustalǵan azamat Qazaqstanǵa deportasııalandy.
Buǵan deıin QR Ishki ister mınıstrligi iz-túzsiz joǵalǵandardyń ornalasqan jerin anyqtaý jáne izdeýde júrgen adamdardy ustaý boıynsha jedel-profılaktıkalyq is-shara júrgizdi. Eki kún ishinde polısııanyń is-sharalarymen izdeýde júrgen 280 qylmysker anyqtalyp, ustalǵan.