Albanııa astanasy Tıranada olımpıadalyq emes salmaqtarda ótip jatqan álem chempıonatynda Nurqoja Qaıpanov altyn júlde enshiledi, dep jazady Egemen.kz.
Nurqoja Qaıpanov 70 kelide birinshiliktiń fınaldyq básekesinde japon balýanynan basym tústi.
Otandasymyz fınalǵa deıingi beldesýlerinde, 1/16 fınalda Mıtchell Lýıs Faınsılverdi 9:0 esebimen jeńse, 1/8 synynda Nıkolaı Grahmezdi 14:2 upaıymen tize búktirdi.
1/4 fınalda Akakı Kemertelıdzeni 12:2 esebimen qapy qaldyrsa, fınal joldamasy beriletin jartylaı synda Abdilmajıd Kýdıevten 13:2 nátıjesimen aılasyn asyra aldy.
26 jastaǵy jerlesimiz 2019 jyly Astanada ótken álem chempıonatynyń fınalynda baq synap, kúmis júldege qol jetkizdi.
Osylaısha, jerlesterimiz úshin álem chempıonaty máresine jetti. Jarys qorytyndysy boıynsha 3 birdeı balýanymyz álem birinshiliginiń fınalynda beldesip, 2 altyn, 1 kúmis enshiledi.