Sý resýrstary jáne ırrıgasııa mınıstri Nurjan Nurjigitov QHR-nyń Qazaqstandaǵy Tótenshe jáne О́kiletti Elshisi Chjan Sıaomen kezdesti, dep habarlaıdy Egemen.kz.
Taraptar transshekaralyq ózenderde sý bólý máselesin talqylady. Ol úshin quramyna qos taraptyń sarapshylary kiretin arnaıy jumys toby jasaqtalǵan. Basty maqsat – Ile-Balqash basseınin sýmen turaqty qamtamasyz etý, balyq sharýashylyǵyn jáne týrızmdi damytý.
Vedomstvo aldaǵy ýaqytta QHR Sý sharýashylyǵy mınıstrligimen yntymaqtastyq týraly Memorandýmǵa qol qoıýǵa nıetti.
Mınıstrliktiń baspasóz qyzmetiniń málim etýinshe sonymen qatar, taraptar Qazaqstannyń sý ınfraqurylymyn birlesip jańǵyrtý jáne avtomattandyrý, sý únemdeý tehnologııalaryn ázirleý men engizý, sondaı-aq Qytaıda Qazaqstan mamandarynyń biliktiligin arttyrý máselelerin talqylady.
«Qazaqstan mamandaryn Qytaıda biliktilik arttyrý kýrstarynan ótkizý týraly Power China kompanııasymen kelisimge keldik. Búgingi bastamalar ekijaqty qarym–qatynasqa jańa serpin beredi dep oılaımyn», dedi mınıstr Nurjan Nurjigitov.
О́z kezeginde Chjan Sıao Qytaı tarapy Qazaqstanmen sý yntymaqtastyǵyna úlken mán beretinin jáne tájirıbe men tehnologııa almasýdy jalǵastyrýǵa nıetti ekenin atap ótti.