Qaraǵandy oblysy Saran qalasynda júk kóligin shyǵaratyn zaýyt salynady. Búgin Shanhaıda Úkimet basshysy Oljas Bektenovtiń qatysýymen ótken dóńgelek ústelde osyndaı kelisimge qol qoıyldy, dep jazady Egemen.kz.
Endi Qazaqstan-Qytaı birlesip júk kóligin shyǵaratyn kásiporyn qurylysyn bastamaq. Zaýyt jumysyn sátti bastasa 1,5 myń adamǵa jańa jumys orny ashylmaq.
«Birlesken kásiporyn qurý týraly kelisimge qol qoıyldy. «Saran» ındýstrııalyq aımaǵynyń bazasynda júk jáne kommersııalyq tehnıka óndiretin jańa zaýyt salynady. Sondaı-aq biz jańa dánekerleý, kataforez, boıaý jáne shaǵyn torapty qurastyrý úshin zamanaýı jabdyqtar satyp alamyz. Jas ınjenerler Qytaıda qoldanylatyn jańa daǵdylardy ıgerý múmkindigin ıelenedi», dedi birlesken jobanyń jetekshisi Arǵulan Maıqonov.