Parıjde ótken iGEM halyqaralyq baıqaýynda Nazarbaev Ýnıversıteti (NU) stýdentteriniń jobasy «Onkologııa salasyndaǵy úzdik joba» atandy, dep jazady Egemen.kz.
International Genetically Engineered Machine halyqaralyq sıntetıkalyq bıologııa baıqaýynda álemniń túkpir-túkpirinen kelgen stýdentter ınnovasııalyq jobalaryn usynady.
NU stýdentter komandasy 11 aı boıy sút beziniń karsınomasyna arnalǵan maqsatty bakterıoterapııanyń ınnovasııalyq ádisi — Sanagel boıynsha jumys istegen.
«Júıe qaterli isikke qarsy peptıdti jasaý úshin genetıkalyq túrlendirilgen ishek taıaqshasy patogendi emes shtammdarynan turady. Ol isik jasýshalarynyń jasýshalyq membranalaryn tańdamaly túrde baılanystyrady jáne teri tesikterin qalyptastyrady. Qaýipsizdikti baqylaýdyń joǵary deńgeıin qamtamasyz etý úshin biz ózin-ózi joıý mehanızmin de engizdik», dedi bıologııa fakýltetiniń úshinshi kýrs stýdenti, iGEM NU komandasynyń múshesi Temirlan Qarataı.
Halyqaralyq ǵylym báıgesinde Garvard, Oksford jáne MIT sııaqty álemdik bedeldi ýnıversıtetter men 50-den astam elden kelgen oqý oryndarynyń 437 komandasy baq synaǵan.
Onkologııa salasyndaǵy úzdik joba syılyǵynan bólek, el stýdentteri «Úzdik qural-jabdyq» júldesin de jeńip aldy.